Қостанайда ойыншық қоймасы өртеніп кетті

ҚОСТАНАЙ. ҚазАқпарат - Қостанайда орталық базар маңындағы ойыншық қоймасынан өрт шықты, деп хабарлайды ҚазАқпарат облыстық ТЖД баспасөз қызметіне сілтеме жасап.

Оқиға бүгін облыс орталығында болған. Облыстық ТЖД кезекші бөліміне 3 қабатты сауда дүкенінің жанып жатқаны туралы хабар түскен.

«Өрт сөндірушілер оқиға орнына сағат 14:41-де жетті. Өрт ғимараттың жертөле қабатындағы ойыншық сақтайтын қоймадан шыққан. Құтқарушылар жеткенше ғимарат әкімшілігі 116 адамды қауіпсіз жерге көшірген», - дейді ведомствоның баспасөз қызметіндегілер.

Өрт 30 шаршы метр аумақты шарпыған. Зардап шеккендер жоқ. Шығын көлемі есептелуде.