Қостанайда орман ішінен ер адамның мүрдесі табылды

ҚОСТАНАЙ. ҚазАқпарат - Қостанай облысында орман алқабынан 56 жастағы ер адамның денесі табылды, деп хабарлайды ҚазАқпарат облыстық полиция департаментінің баспасөз қызметіне сілтеме жасап.

Оқиға 7 қараша күні Таран ауданында болған. Полицияның кезекші бөліміне жергілікті ЖШС нысаны маңынан ер адамның мүрдесі табылғаны хабарланды.

«Жедел-із кесу шаралары барысында 56 жастағы тұрғылықты мекенжайы жоқ ер адамның мүрдесі анықталды. Полицейлер үш тәулік ішінде 37 жастағы күдіктіні ұстады. Ол ішімдікке мас күйінде жәбірленушіні ұрып-соғып, денесін орман алқабына тастағанын мойындады», - дейді ведомоствоның баспасөз қызметіндегілер.

Қазіргі уақытта аталған факт бойынша ҚР ҚК 99-бабымен сотқа дейінгі тергеп-тексеру шаралары жүргізіліп жатыр.