Қостанайда мүгедектігі бар балалар қоғамдық көліктерде тегін жүре алады
Бұл туралы Қостанай қаласы әкімдігінің ТКШ бөлімі Instagram-да жазды.
«Қостанай әкімдігінің бірлескен қаулысы мен Қостанай облыстық мәслихатының Қостанайда қоғамдық көлікте жеңілдікпен жүру жөніндегі шешімі 29 шілдеде күшіне енді», - деп хабарлады ведомство.
Азаматтардың келесі санаттары тегін жол жүре алады:
- ҰОС қатысушылары мен мүгедектері, басқа мемлекеттердің аумағындағы соғыс қимылдарының ардагерлері, ҰОС ардагерлеріне жеңілдіктер бойынша теңестірілген ардагерлер;
- 18 жасқа дейінгі мүгедек балалар;
- «Алтын алқа» және «Күміс алқа» алқаларымен марапатталған немесе бұрын «Батыр ана» атағын алған, сондай-ақ I және II дәрежелі «Ана даңқы» ордендерімен марапатталған көп балалы аналар;
- бірінші және екінші топтағы мүгедектер.
Арнайы әлеуметтік карталарды «ALEM PAY» операторынан сатып алуға болады. Картаны алу үшін қостанайлықтар азаматтардың жеңілдік санатына жататынын растайтын құжаттарды ұсынуы қажет.