+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Қостанайда мантудан кейін екі оқушы қайтыс болды - ФЕЙК

2021 жылғы 16 қыркүйек 17:56
Бөлісіңіз:
Қостанайда мантудан кейін екі оқушы қайтыс болды - ФЕЙК

НҰР-СҰЛТАН. ҚазАқпарат - WhatsApp мессенджерінде Қостанай қаласының №7 мектебінде балалардан Манту сынамасы алынғаны туралы аудио хабарлама таратылуда. Нәтижесінде төрт бала реанимацияға түсіп, екеуі қайтыс болған екен. Бұл фейк, деп хабарлайды stopfake.kz сайты.


Бұл ақпаратты Қостанай облысының Денсаулық сақтау басқармасы жоққа шығарды.
«Қостанай қаласының №7 мектебінде екпеден кейінгі балалардың өлімі мен ауыр жағдайы туралы ақпарат – өтірік», – делінген ведомствоның Instagram-дағы ресми парақшасында.

«Костанайские новости» аймақтық газетінің сайтында полиция фейк авторларын іздеуге кіріскені айтылған. Бұл факті бойынша ҚР ҚК-нің 274-бабы «Көрінеу жалған ақпарат тарату» бойынша сотқа дейінгі тергеу басталды.

Естеріңізге сала кетейік, қазіргі кезде Қазақстанда балаларға COVID-19 қарсы екпе салынып жатқан жоқ. Жасөспірімдер арасында егу науқанын қазан айында, Pfizer-BioNTech шығарған Comirnaty вакцинасы елге әкелінген соң бастау жоспарланған.

1 қыркүйекте БАҚ препараттың Қазақстанда уақытша тіркелгенін хабарлады.

Бүгінде вакцина бес жастан 11 жасқа дейінгі және алты айдан бес жасқа дейінгі балаларда клиникалық сынақтардан өткізілуде. Нәтижелері алдағы айларда жарияланады.


Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT