+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Қостанайда қос көлік соқтығысып, екі адам көз жұмды

2020 жылғы 24 қазан 18:34
Бөлісіңіз:
Қостанайда қос көлік соқтығысып, екі адам көз жұмды

ҚОСТАНАЙ. ҚазАқпарат – Рудный тасжолында екі көлік соқтығысып, екі адам көз жұмды, деп хабарлайды ҚазАқпарат тілшісі облыстық полиция департаменті баспасөз қызметіне сілтеме жасап.

Оқиға «Рудный-Қашар» автожолында болған. 61 жастағы «MAN» автокөлігінің жүргізушісі жол жиегінен шыққан кезде маневрдің қауіпсіздігіне көз жеткізбей, «Ravon Nexia» автокөлігімен соқтығысқан. Жеңіл көліктің рулінде 34 жастағы ер адам отырған. «Жол апаты салдарынан «Ravon»-ның 30 жастағы жолаушысы алған жарақатынан оқиға орнында, 23 жастағы жігіт аурухананың жансақтау бөлімінде көз жұмды. Тағы екі жолаушы Рудный қаласының ауруханасына жатқызылды. Жол-көлік оқиғасы Қылмыстық кодекстің 345-бабы 4-бөлігі бойынша тіркелді. Қостанай ауданы полиция бөлімінің қызметкерлері сотқа дейінгі тергеп-тексеру шараларын бастады», - дейді полиция департаментінің баспасөз хатшысы Ирина Беженарь.

Полиция департаменті автокөлік иелерін жолда сақ болуға, жылдамдық режимін сақтауға және қолайсыз ауа райы жағдайында жол ережелерін бұзбауға шақырды.


Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT