+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Қостанайда көпқабатты үй өртеніп, пәтерде болған әйел мен еркек күйіп қалды

2021 жылғы 20 қазан 21:18
Бөлісіңіз:
Қостанайда көпқабатты үй өртеніп, пәтерде болған әйел мен еркек күйіп қалды

ҚОСТАНАЙ. ҚазАқпарат – Қостанайдағы Чкалов көшесінде бес қабатты тұрғын үй өртеніп, тұрғындары эвакуацияланды, олардың арасында зардап шеккендер де бар, деп хабарлайды ҚазАқпарат Қостанай облыстық төтенше жағдайлар департаментінің баспасөз қызметіне сілтеме жасап.

Ұқсас жаңалықтар
Талғар ауданында өрттен үйсіз қалған 34 адам үшін жаңа баспана салынады - әкімдік Алматы облысы Төңкеріс ауылындағы өрттің себебі белгілі болды Өскеменде өрт шыққан көпқабатты үйден 30 адам құтқарылды

20 қазан күні сағат 00:47-де қаладағы Чкалов көшесінде бес қабатты үйдегі пәтерден өрт шыққан. Өрт туралы «101» нөміріне көршілері хабар берді.

Өрт сөндірушілер төтенше оқиға орнына бірнеше минуттан соң келіп, екінші қабатта орналасқан пәтерде 7 шаршы метр аумақта жиһаз, терезе және пластик балкон өртеніп жатқанын анықтаған.

Пәтер ішінде екі адам: 1969 жылғы ер адам мен 1975 жылғы әйел болды.

Құтқарушылар әйелден терезеден шығарды, ал балдақтың көмегімен жүрген ер адамды пәтер есігі арқылы эвакуациялауға тура келген.

«Құтқарушылар зардап шеккендерді медициналық қызметкерлерге тапсырды. Әйелдің денесін 10-19 пайыз күйік шалса, ал пәтер иесі болған ер адамның денесінің 30-39 пайызы күйген. Оған қоса, екеуінің де алкогольді мас күйде болғаны анықталды», - деп хабарлады ведомстводан.

Қазіргі кезде зардап шеккендер Қостанай қалалық ауруханасында жатыр.

«Өрт сағат 01:23-те сөндірілді. Оқиға орнында 3 техника мен жеке құрамның 10 қызметкері жұмыс істеген. Өрт кезінде үйдің барлық тұрғындары (20 адам, соның ішінде 5 бала) өз бетінше шықты, олардың ешқайсы зардап шеккен жоқ», - деп түйіндеді ТЖД-дан.


Біздің каналымызға жазылыңыз:

Бөлісіңіз:

Автор:

Зарина Туғанбаева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT