ҚОСТАНАЙ. ҚазАқпарат – Қостанай қаласы полиция басқармасы «Солтүстік» бөлімшесінің полицейлері кәсіпкерге қарақшылық шабуыл жасаған күдіктілерді екі тәулік ішінде тапты, деп хабарлайды ҚазАқпарат.

Ұқсас жаңалықтар

Талдықорғанда 18 ұрлыққа қатысы бар деген күдікпен 21 жастағы тұрғын ұсталды

Нұр-Сұлтанда ұры көліктің терезесін сындырып, 1,2 млн теңгенің заттарын алып кеткен Алматыда есірткі саудалаушы ұсталды Ақмолада бюджет қаражатын жымқырған аудандық мәдениет үйінің директоры сотталды

Қылмыс 2019 жылғы 29 желтоқсанда болған. Кешкі 18.30-да Складской көшесінде бетперде киген екі бұзақы кәсіпкерге көзден жас ағызатын баллонды қолданып, сөмкесіндегі ақшаны ұрлап кеткен.

«Сөмке жыртылып кетіп, 3 млн теңге қаражат жерге шашылып қалған. Алайда күдіктілер 2,5 млн теңгені жымқырып кеткен. Жәбірленуші ақшасын «ЗИЛ» көлігінің ішінде сақтаған. Ол бетперде киген күдіктелерді дәл суреттеп бере алмады. «Солтүстік» полиция бөлімінде қылмысты ашу үшін жедел тергеу тобы құрылып, оны қылмыстық іздестіру бастығы, полиция капитаны Аян Шаяхметов басқарды. Топ құрамында жедел қызметкерлер полиция капитаны Қазбек Қайратұлы, полиция капитаны Қуат Темірғалиев және полиция капитаны Болат Нұртазин және Әлібек Кеукенов жұмыс істеді», - делінген полицияның ақпаратында.

Жедел іс-шаралар жүргізу кезінде 32 және 33 жастағы күдіктілер Тобыл қаласында ұсталды. Олар ақшаның бір бөлігімен несиелерін жапқан. Сонымен қатар Жаңа жыл мерекесіне жұмсаған.

Осы дерек бойынша тергеу жұмыстары жүргізілуде. Бұзақылар уақытша ұстау изоляторына қамалды.