Қостанайда қар құрсауында қалған адамдарды құтқару жұмысы жалғасып жатыр
31 наурыз күні сағат 16:36-да ТЖД құтқарушылары Восточное ауылының тұрғынын Арқалық қаласының ауруханасына жеткізді.
1974 жылы туған ауыл тұрғыны медициналық көмекке мұқтаж болғаны анықталды. Ауылға баратын жол қармен жабылған еді.
Алайда құтқарушылар «СКБ-600» жол талғамайтын көлігімен 33 шақырым қашықтықта орналасқан елдімекенге жедел жетті.
31 наурызда Арқалық-Жалғызтал тасжолында қаладан 30 шақырым жерде жолаушылары бар 6 автокөлік ауа райының нашарлауына байланысты жолда қалғаны белгілі болды.
Жолаушылар құтқарушылардан көмек сұрады.
Сағат 18:15-те ЖҚЖ қызметкерлері өтімділігі жоғары «СКБ-600» техникасымен оқиға орнына келді.
Екі сағаттан кейін 30 адам, оның ішінде 10 бала Арқалық қаласына эвакуацияланды.
Құтқару операциясы нәтижесінде ешкім зардап шеккен жоқ.