22:49, 24 Маусым 2018 | GMT +6
Қостанайда дүкен мен монша өртеніп жатыр
ҚОСТАНАЙ. ҚазАқпарат - Қостанай қаласындағы Пушкин көшесінде орналасқан үш қабатты ғимарат өртенді, деп хабарлайды ҚазАқпарат ҚР ІІМ төтенше жағдайлар комитетінің баспасөз қызметіне сілтеме жасап.
Бұл ғимаратта монша мен дүкен орналасқан. Өрт 3-қабаттағы төбе жабындысы мен шатырдан шыққан.
20 адам ғимараттан эвакуацияланды. Зардап шеккендер жоқ.
Оқиға орнында 42 өрт сөндіруші мен 8 техника жұмыс істеп жатыр.