Қостанайда бірқатар карантин шектеуі жеңілдетілді
2022 жылғы 16 наурыз 13:32

Қостанайда бірқатар карантин шектеуі жеңілдетілді

ҚОСТАНАЙ. ҚазАқпарат – Қостанай облысында бірқатар карантин шектеуі жеңілдетілді, деп хабарлайды ҚазАқпарат тілшісі.

Қостанай облысының Бас мемлекеттік санитарлық дәрігерінің жаңа қаулысы жарияланды. Онда жазылғандай, өңір бойынша бірқатар карантин шектеуі жеңілдетілді.

«Барлық нысандарындағы және ведомстволық ұйымдардағы әлеуметтік қашықтықты міндетті түрде сақтау, күнделікті кірер алдындағы байланыссыз термометрия талаптары алынып тасталды. Ал білім беру мекемелерінде «Ashyq» мобильді қосымшасын пайдалану, әлеуметтік қашықтықты сақтау және термометрияны жүргізу сондағы әкімшіліктің шешімі бойынша ерікті түрде жүзеге асырылады», - делінген құжатта.

Эпидемиологиялық жағдайды бағалау матрицасына сәйкес өңір «қызыл» аймаққа өткен жағдайда бұл талаптар қайтадан күшіне енеді.


Ұқсас жаңалықтар

Jańalyqtar

Үрдіс

MURAǴAT