Қостанайда аттракционнан құлап, жарақат алған қыздың ісі ымырамен шешілді

ҚОСТАНАЙ. ҚазАқпарат - Қостанайда саябақ аттракционында ойнаймын деп жарақат алған 9 жасар қыздың ата-анасы саябақ басшылығымен ымыраға келген, деп хабарлайды ҚазАқпарат тілшісі.

Мұны парктің атқарушы директоры Амангелді Досжанов растады.

Оның айтуынша, саябақ басшылығы қыздың ата-анасымен кездескен. 9 жасар Виолетта Корженьнің анасы Елена Кадынцева саябақ әкімшілігін кінәламайтынын білдірген.

Еске сала кетейік, бірнеше күн бұрын ата-анасымен бірге қалалық саябаққа қыдырып барған Виолетта аттракционда ойнаймын деп бұғана сүйегін сындырып алған болатын.