Қостанайда алкоголь тиелген КамАз локомотивпен соқтығысты

ҚОСТАНАЙ. ҚазАқпарат - Қостанайда жүк тиелген КамАз көлігі локомотивке соғылды, деп хабарлайды ҚазАқпарат.

Ақпаратты «Қазақстан темір жолы ҰК» АҚ баспасөз қызметі растады. Оқиға Жітіқара кентінде болған. Локомотив «ҚТЖ ҰК» АҚ Қостанайдағы филиалына тиесілі.

Белгілі болғандай, КамАз көлігіне алкоголь өнімдері тиелген.

Алдын ала мәлімет бойынша, зардап шеккендер жоқ. Шығын көлемі белгісіз. Оқиға орнында полицейлер жұмыс істеп жатыр.

Қостанай облыс ІІД баспасөз қызметі аталған факт бойынша ресми мәлімдеме жасаған жоқ.

Бұдан бұрын Қостанайда 12 жастағы баланың із-түзсіз жоғалып кеткенін хабарлағанбыз.