USD 434.24 EUR 492.69
RUB 5.67 CNY 68.46
Jańalyqtar

Қостанайда 30 адамды өрттен құтқарған полицей марапатталды

2020 жылғы 28 тамыз 16:44
Бөлісіңіз:
Қостанайда 30 адамды өрттен құтқарған полицей марапатталды

ҚОСТАНАЙ.ҚазАқпарат — Конституция күніне орай Қостанай облысының полиция департаментінде үздік қызметкерлер марапатталды. Салтанатты іс-шара ведомстволық музейде өтті, деп хабарлайды ҚазАқпарат.

Ұқсас жаңалықтар
Петропавлда адамдар аударылған көліктегі келіншекті құтқарды

Үздік полицейлерді облыстық ПД бастығының міндетін атқарушы Нығмет Исмагулов марапаттады.

«Полиция қызметкерлері азаматтардың заңды құқықтарын қамтамасыз ете отырып, қылмыспен күресте алдыңғы қатарда жүреді. Сол себепті мемлекет қызметкерлерді мерекелік шараларда марапаттайды. Ол әрбір тәртіп сақшысы үшін мәртебелі, жауапты сәт», - деп атап өтті полиция полковнигі.

Іс-шарада мінсіз қызметі мен жоғары көрсеткіштері үшін үздік полицейлердің есімі аталды. Соның бірі — полиция инспекторы, аға сержант Нұрбек Есқабыл. Ол «Қоғамдық тәртіпті қамтамасыз етуге қосқан үлесі үшін» медалімен марапатталды.


Полицей биыл әріптесімен бірге өрттен 76 жастағы зейнеткер мен сәбиді құтқарған. Жанып жатқан үйден барлығы 30-дан астам адамды алып шықты.

«Ішкі 2-дәрежелі огандардың үздігі» төсбелгісі Көші-қон полициясы басқармасының ерекше тапсырмалар жөніндегі аға инспекторы полиция майоры Рабиға Мұсабаеваға берілді.

«Полковник» погонын криминалдық полиция бастығының орынбасары Юрий Полюхов алды. Ол полицияда 23 жылдан астам уақыт қызмет етеді, бүкіл мансабын жедел қызмет бөліміне арнаған. Юрий Полюхов мерзімінен бұрын әскери атақ алу үлкен мәртебе екенін атап өтті.

«Конституция күнін мерекелеу қарсаңында 118 қостанайлық полицей марапатталды, оның ішінде 23 қызметкер Ішкі істер министрінің құқықтарымен мадақталды», - деп атап өтті Қостанай облысы ПД бастығының орынбасары Ардақ Ынтықбаев.

Бүгіннен бастап полицейлер қызмет өткерудің күшейтілген режиміне кірісіп, облыс аумағында мереке күндері құқықтық тәртіпті қамтамасыз ететін болады.


Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT