09:41, 18 Маусым 2020 | GMT +6
Қостанай облысының жолдарында блокпостар қойылып жатыр
ҚОСТАНАЙ.ҚазАқпарат – Қостанай облысының трассаларына блокпостар орнатылуда, деп хабарлайды ҚазАқпарат.
Тұрғындар облыс периметріне қойылып жатқан блокпостардың фотоларын әлеуметтік желіде жариялауда. Блокпостардағы полицейлердің айтуынша, әзірге Қостанай - Рудный және Қостанай - Әулиекөл тасжолында блокпостар қойылған.
Облыс әкімінің баспасөз қызметі хабарлағандай, бүгін өңірлік жедел штабтың отырысы өтеді.
Еске салсақ, Көкшетауда карантин қайта күшейтіліп, қала сыртына 7 блокпост, сондай-ақ, СҚО-да коронавирус инфекциясы табылған аудандарға блокпост қойылуда.