+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Қостанай облысында жемқорлық қылмыстар залалының 99,9%-ы қайта қалпына келтірілді

2021 жылғы 28 шілде 12:58
Бөлісіңіз:
Қостанай облысында жемқорлық қылмыстар залалының 99,9%-ы қайта қалпына келтірілді

НҰР-СҰЛТАН. ҚазАқпарат – Қостанай облысы бойынша сыбайлас жемқорлық саласында орын алған қылмыстан келген залалдың 99,9%-ы қайта қалпына келтірілді. Бұл туралы ҚР Сыбайлас жемқорлыққа қарсы іс-қимыл агенттігі Қостанай облыстық департаментінің директоры Қуаныш Бекбасов мәлім етті, деп хабарлайды ҚазАқпарат тілшісі.

Ұқсас жаңалықтар
Антикор өкілі денсаулық сақтау жүйесіндегі сыбайлас жемқорлық тәуекелдерін атады Қызылорда облысы экология департаментінің басшысы 11 жылға сотталды Шу аудандық ветеринарлық стансасының директоры мен бас бухгалтері сотталды

«Биыл 6 айдың ішінде біздің департамент 42 қылмыстың бетін ашты. Оның 39-ы сыбайлас жемқорлыққа қатысты. Өткен жылдың осы уақытында 86 қылмыс жасалып, оның 73-і жемқорлық әрекет болды. Нәтижесінде 22 адам жауапқа тартылып, оның 7-еуі түрлі деңгейдегі лауазымды тұлғалар болды. Ал 2020 жылы 5 лауазымды тұлға жауапқа тартылды. Есесіне сыбайлас жемқорлық әрекеттердің салдарынан мемлекетке келген залалдың орнын толтыру 2 есеге артты. Атап айтқанда, өткен жылы 330 млн теңге қайтарылса, биыл 706 млн теңгені құрап отыр. Осылайша облыс бойынша келген залалды қалпына келтіру көрсеткіші 99,9%-ы» құрайды, - деді Қ. Бекбасов агенттікте онлайн өткен баспасөз мәслихатында.

Оның айтуынша, жоғары көрсеткішке сыбайлас жемқорлық іс-қимылға қарсы жүргізілген кеңауқымды мониторингтің нәтижесінде қол жетіп отыр.

«Облыс аумағында ұжымдарға қылмыстың кодекстің 200 бабына өзгерістер енгізілуіне байланысты түсіндіру жұмыстары жүргізіліп жатыр. Аймақтағы 5 лауазымды тұлғаның іс-әрекеті әдеп кеңесінде қаралды, оның қорытындысы бойынша қызметтен босатуға дейін алып келді. Мысалы, қызметтен босатылған Қостанай облыстық аумақтық инспекцияның бұрынғы басшысы кеңес шешімімен келіспей, сотқа жүгінді. Дегенмен 2021 жылдың 30 маусымында Нұр-Сұлтан қаласы, Сарыарқа аудандық сотының шешімімен оның өтініші қанағаттандырылмады», - дейді ол.

Бұған дейін аталған өңірде ауыл шаруашылығын субсидиялаудың ашықтығына талдау жүріп жатқанын хабарлаған болатынбыз.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT