Қостанай облысында жасырын казино ұйымдастырғандар ұсталды
2021 жылғы 10 ақпан 16:04

Қостанай облысында жасырын казино ұйымдастырғандар ұсталды

ҚОСТАНАЙ. ҚазАқпарат – Қостанай облысының спорт-барларының бірінде жасырын казиноның заңсыз қызметі анықталды. Бұл туралы ҚазАқпарат тілшісі Қостанай облысының экономикалық тергеу департаментіне сілтеме жасап хабарлайды.

Департамент қызметкерлері «STOP-ойын» жедел алдын алу шарасы аясында Қостанай қаласының спорт барларын тексерді. Тексеру барысында арнайы ойын жабдықтарын қолданып, жасырын казино ұйымдастырғандар әшкереленді.

Қазіргі уақытта құмар ойындарын өткізгендерге қатысты ҚР ҚК 307-бабы бойынша сотқа дейінгі тергеу басталды.

Ведомство мәліметіне сүйенсек, әзірге тергеу жүргізіліп жатқандықтан басқа деректер құпия сақталады.


Jańalyqtar

MURAǴAT