Қостанай облысында көлік жылу трассасына соғылып, жүргізуші мерт болды

АСТАНА. ҚазАқпарат - 30 наурыз сағат 14:49-да Арқалық қаласында ВАЗ автокөлігінің 28 жастағы жүргізушісі Ш.Жәнібек көшесімен келе жатып, рөлге ие бола алмай жылу трассасына соғылды, деп хабарлайды ҚазАқпарат Polisia.kz сайтына сілтеме жасап.

Жол апаты салдарынан жүргізуші қайтыс болды.

Қазір аталған дерек бойынша ҚР ҚК 345-бабы негізінде сотқа дейінгі тергеу басталды. Сараптама тағайындалды, қажетті тергеу әрекеттері жүріп жатыр.