Қостанай облысында киік санағы жүргізілді

None
None
ҚОСТАНАЙ. ҚазАқпарат - Облыс аумағында тікұшақ арқылы арқылы киіктер санағы жүргізілді, деп хабарлайды ҚазАқпарат.

Жойылып бара жатқан жануарларды аулауға тыйым салынғанымен, заң бұзушылар азаяр емес. Қызыл кітапқа енген бұл жануарды ату бойынша облысымызда биыл 1 дерек тіркелді. Киіктерді қорғау бағытындағы жұмыстар облыста күшейтіліп, арнайы іс-шаралар тізімі бекітілді. Бірақ заңсыз аң аулаушыларға әлі толық тыйым болмай тұр. Көбіне браконьерлер бөкендерді бағалы мүйізіне бола атады. Өйткені, емдік қасиеті бар.

«Осы уақытқа дейін киіктерді заңсыз аулау бойынша 9 факті тіркелді. Бір өкініштісі, қаскөйлердің арасында «Алтын дала» резерватының қызметкері де болды. Оның үстінен қылмыстық іс қозғалды. Жалпы, осыдан 5 жыл бұрын біздің облыста 240 мыңдай киік болса, былтырғы санақ бойынша оның саны 76 мыңға дейін азайды», - деді Орман шаруашылығы және жануарлар дүниесі облыстық аумақтық инспекциясы бастығының орынбасары Ғылымхан Молдағұлов.

Биыл ақбөкендер аман-есен төл өрбітсе, олардың саны артатынын айтады мамандар. Негізі, биыл орман және аң шаруашылығы аумақтық басқармасы мен полицейлер жүргізген тексерістің нәтижесінде заңсыз аң аулаған 87 адам әкімшілік жазаға тартылды.

Соңғы жаңалықтар