Қостанай облысында қар құрсауында қалған 35 жолаушы құтқарылды

None
Фото: www.instagram.com/qostanai_tjd
ҚОСТАНАЙ. ҚазАқпарат - Өткен аптада Қостанай облысы трассаларында 7 авариялық-құтқару жұмысы жүргізілді. Қар құрсауынан 35 адам құтқарылды, деп хабарлайды ҚазАқпарат.

27 ақпан мен 5 наурыз аралығында Қостанай облысы ТЖД аумақтық бөлімшелері Науырзым, Жітіқара, Амангелді, Қамысты аудандарында, сондай-ақ Арқалық қаласының маңында 7 авариялық-құтқару операциясын жүргізді.



35 адам құтқарылды, оның ішінде 9 бала бар.

5 наурыз күні сағат 22:15-те құтқарушылар полицейлермен бірге Амангелді ауданында Қарасу ауылынан 25 шақырым жерде жоғалған шопанды іздеді.

23:30-да 2004 жылғы азамат Қарасу ауылынан 12 шақырым жерден табылды. Медициналық көмекке мұқтаж емес, дереу Қарасу ауылына жеткізілген.



Облыстық төтенше жағдайлар департаментінің мәліметінше, 4 наурызда Науырзым ауданының аумағында қолайсыз ауа райынан Дәмді және Қожа ауылдары арасындағы Әулиекөл-Жолдама облыстық маңызы бар автожол учаскесіндегі жағдай ушығып кетті.

9 жолаушысы бар 2 жеңіл автокөлік қар құрсауында қалды. Оқиға орнына № 26 Амангелді өрт сөндіру бөлімінің қызметкерлері барды.

Сағат 11:15-те Амангелді құтқарушылары Қожа ауылына 3 адамды жеткізіп, жергілікті полиция қызметкерлеріне тапсырды.

Сол тасжолдың басқа учаскесінде Ушаково ауылының маңында 13 автокөлік, 10 жеңіл және 3 жүк көлігіні кептелісте қалып қойды. Автокөліктерде 15 адам, оның ішінде 9 бала болды.

Құтқарылған азаматтар Әулиекөл ауылына сағат 17:05-те жеткізілді.

Ауа райының қолайсыздығына қарамастан, құтқару жұмысы сәтті өтті. Зардап шеккендер жоқ.

112 қызметі жүргізушілерге ұзақ сапардан бас тартуға кеңес береді.












Соңғы жаңалықтар