17:00, 19 Маусым 2020 | GMT +6
Қостанай облысында балабақша тәрбиешілері КВИ жұқтырды
ҚОСТАНАЙ. ҚазАқпарат – Қостанай қаласында коронавирустық инфекция №69 балабақша педагогтарынан анықталды, деп хабарлайды ҚазАқпарат.
Ақпаратты Қостанай облысы тауарлар мен қызметтердің сапасы және қауіпсіздігін бақылау департаментінің баспасөз қызметі растады.
«Балабақша педагогтары COVID-19 вирусының симптомсыз тасымалдаушылары саналады. Қазір мектепке дейінгі мекеме карантинге жабылды. Ұлттық сараптама орталығы филиалының күшімен дезинфекция жұмыстары жүргізілді.
Педагогтармен жақын байланыста болғандар Қостанай қаласының емханаларында бақылауға алынады және тексеріледі», - делінген департамент хабарламасында.