+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Қостанай облысында 5,3 млн гектарға егін егіледі

2019 жылғы 19 мамыр 02:16
Бөлісіңіз:
Қостанай облысында 5,3 млн гектарға егін егіледі

ҚОСТАНАЙ. ҚазАқпарат - Биыл Қостанайда 5,3 млн гектар егіс алаңына дән егіледі, деп хабарлайды ҚазАқпарат облыстық ауыл шаруашылығы басқармасының бас маманы Нұрсұлтан Қабделовке сілтеме жасап.

Көктемгі дала жұмыстарын оңтайлы мерзімде аяқтау үшін егіс алқаптарында дән себу жұмыстары қызу жүріп жатыр. Биыл майлы дақылдар алқабы 46 мың гектарға ұлғайтылды. Алқаптарды әртараптандырудың нарық қажеттілігі екенін шаруалар жақсы біледі. Сондықтан, рапс, зығыр, күнбағыс егуге басымдық берілген. Ауыл шаруашылығы басқармасындағылардың сөзінше, дән себу жұмыстарына 23 мың трактор, өнімділігі жоғары 900 техника тартылған.

«Егіс алқаптарын әртараптандыру жұмыстары жылма-жыл қарқын алып келеді. Нәтижесінде 475 мың гектарға майлы дақылдар егіледі. Сонымен қатар мал азығына арналған шабын жерлер 50 мың гектарға ұлғайды. Былтыр 215 мың гектардан шөп түйілген болатын», - деді Нұрсұлтан Қабделов.

Жалпы, осы жылы егіс алаңының аумағы шамамен 5,3 млн гектарға тең. Оның 70% жуығы бидайға тиесілі. Көкөніс пен картоп алқабы да ұлғайтылады. Бүгінде егіс алқаптарының біразы игерілді.

Егіс науқанына 23 мың трактор, 22 мың дән сепкіш, 913 жоғары өнімді егін егу кешендері тартылған. Көктемгі дала жұмыстарын агротехникалық талаптарға сай жүргізу үшін шаруаларға мемлекет тарапынан жәрдем жасалды. Арзандатылған бағамен 71 мың тонна жанар-жағармай бөлінбек. Бір литрдің бағасы - 183 теңге.

«Қазірге дейін облысқа 46 мың тонна дизель отыны жеткізілді. Дәнді оңтайлы мерзімде себу - мол өнім алудың кепілі. Былтыр 680 мың тонна бидай сыртқы нарыққа жөнелтілді. Негізгі экспорталатын мемлекеттер тізімінде Ресей, Өзбекстан, Қырғызстан, Ауғанстан, Иран елдері бар», - дейді Н.Қабделов.

2018 жылы аймақ аграрийлері ел қамбасына 5 млн гектар астық құйған болатын. Диқандар қауымы биыл да егіннің бітік шығатынына бек сенімді.

Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT