+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Қостанай облысында 330 мың адам мемлекеттен жәрдемақы алады

2020 жылғы 1 сәуір 21:36
Бөлісіңіз:
Қостанай облысында 330 мың адам мемлекеттен жәрдемақы алады

ҚОСТАНАЙ. ҚазАқпарат – Қостанай облысында 330 мың адам мемлекет жәрдемақысына ие болады. Бұл туралы Қостанай облысының әкімі Архимед Мұхамбетов қала және аудан әкімдерімен өткен селекторлық кеңес барысында айтты, деп хабарлайды ҚазАқпарат.

Облыс басшысы қазіргі уақытта тұрғындар мен бизнесті қолдау жөнінде кешенді шаралар жүргізілетінін айтты.

«Біз дағдарысқа қарсы шаралардың бірінші пакетін іске асыруға кірісіп кеттік. Енді ел Президентінің кешегі мәлімдемесінде белгіленген халық пен бизнесті қолдау жөніндегі тапсырмаларын орындаймыз. Мемлекет басшысы зейнетақы мен мемлекеттік жәрдемақыны, соның ішінде атаулы әлеуметтік көмекті 10%-ке индекстеуді тапсырды. Республика бойынша азаматтардың тиісті санаттарының кірістеріне 200 млрд. теңге бөлінеді. Нәтижесінде облыста жәрдемақы алушылар саны 330 мыңнан асты, оның ішінде 136 мыңнан астамы – зейнеткер, АӘК алушылар – 16 мыңға жуық адам», – деді облыс әкімі», – деді Архимед Мұхамбетов.

Облыс әкімі бір реттік ең төменгі жалақы көлемінде әлеуметтік төлем алу үшін өзін-өзі жұмыспен қамтығандар мәртебесін қалыптастыру бойынша жұмысты жалғастыру қажеттігін атап өтті.

«Бұл үшін жергілікті атқарушы билік аталған санаттағы азаматтардың мәртебесін қалыптастырады. Біздің облыста мұндай санаттағы адамдар шамамен 18 мың адамға жетеді. Осыдан кейін ғана төтенше жағдай кезінде олар мемлекеттен ай сайын әлеуметтік төлемдер ала бастайды. Бейресми табыстарды жасыру фактілеріне ерекше назар аударып, қалалар мен аудандар әкімдері әлеуметтік төлемді беруде мұқият босын. Халықтың мұқтаж санаттарын барынша қамтамасыз етуді тапсырамын», - деп атап өтті аймақ әкімі.

Қазірдің өзінде өңірде 723 адам жәрдемақы алуға өтініш берді. Сондай-ақ тегін азық-түлік жиынтығын алатын азаматтар санаттарының тізбесі кеңейтілетін болады.


Біздің каналымызға жазылыңыз:

Басты сөздер: Қостанай облысы, Әлем,
Бөлісіңіз:

Автор:

Қасқырбай Қойшыманов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT