Қостанай облысында 24 жастағы қызды трактор басып кетті

ҚОСТАНАЙ. ҚазАқпарат – Қостанай облысында «К-700» тракторы жаяу жүргіншіні басып өлтірді, деп хабарлайды ҚазАқпарат облыстық полиция департаменті баспасөз қызметіне сілтеме жасап.

Оқиға Сарыкөл ауданының Сарыкөл ауылында болған. Куәгерлердің айтуынша, жаяу жүргінші құлаққап киген.

«К-700» тракторы 24 жастағы қызды басып кеткен. 54 жастағы трактор жүргізушісі жол үстінде келе жатқан қызды көрмей қалған. Жәбірленуші ауыр дене жарақаты салдарынан оқиға орнында көз жұмды», - делінген полицияның ақпаратында.

Осы дерек бойынша полиция ҚР ҚК 345-бабымен қылмыстық іс қозғады. Тергеу шаралары жүріп жатыр.

иллюстрациялық фото