Қостанай халқының 85 пайыздан астамы ұлттық санақтан өтті

ҚОСТАНАЙ. ҚазАқпарат – Қостанай облысындағы халық санағының аралық қорытындысын бүгін облыс әкімінің орынбасары Ерлан Спанов брифинг барысында мәлім етті, деп хабарлайды ҚазАқпарат тілшісі.

«Бүгінгі күнде Қостанай облысы халқының 85,6%-ға жуығы немесе 737 634 адам санаққа қатысты, оның ішінде 476 046 адам немесе 55,3%-ы сұхбат алушылардың сұрақтарына офлайн жауап берді, 261588 адам немесе халықтың 30,4%-ы санақтан онлайн өз бетінше өтті»,- деп хабарлады облыс әкіміің орынбасары.

Санаққа ең көп қатысушылар Науырзым ауданында (97,5%), Қостанай (95,8%), Федоров (95,2%), Денисов (94,4%), Жангелдин (94,3%) аудандарында, сондай-ақ Арқалық қаласында (95,7%) байқалады.

Облыста халқының 90%-дан астамы санақтан өткен төрт аудан бар. Олар:Алтынсарин ауданы-90,8%, Рудный қаласы - 90,7%, Ұзынкөл ауданы - 90,1%, Амангелді ауданы - 90,0%.

«Қалған 8 ауданда және қалада санаққа халықтың 85%-дан астамы қатысқан. Қостанайда халықтың 78,7% -ы санақ сұрақтарына жауап берді, оның ішінде 68 мыңнан астамы немесе 27,2%-ы онлайн-санақтан өткен»,- деп атап өтті Ерлан Спанов.

Облыс әкімінің орынбасары азаматтарды санаққа белсенді түрде қатысуға шақырды.

Ерлан Спанов атап өткендей, санақ деректері әлеуметтік-экономикалық, демографиялық мәселелердегі жағдайдың толық көрінісі, дұрыс жоспарлау мен есептеулер үшін маңызды болмақ.