Қостанай әуежайындағы төтенше жағдайлардың себебі анықталды
17 сәуір күні «Нұр-Сұлтан-Қостанай» бағытында ұшып келген AIR ASTANA компаниясына тиесілі АIRBASSА-320 ұшағы жұмыс перронына тоқтау кезінде асфальтбетонды жолақтан шығып кеткен.
«Ұшақ батып қалған шұңқырдың тереңдігі 20-30 сантиметр болды. Борт ішінде 131 жолаушы және 8 экипаж мүшесі отырған. Жолаушылар трап арқылы өздері түсті», - деп хабарлады ТЖД ресми өкілдері.
Сонымен қатар, кеше Қостанай әуежайында AIR ASTANA ұшағының жолақтан тысқары аумаққа шығып кеткенін хабарлаған болатынбыз.
«Сағат 18:20-да «Нұр-Сұлтан-Қостанай» бағытында ұшып келген BOINGB-757 ұшағының сол жақ шассиі жолақтан шығып кеткен. Бортта жолаушылар болмаған. 8 экипаж мүшесінің арасында зардап шеккендер жоқ», - деді ведомствоның баспасөз қызметіндегілер.
Нәтижесінде SKAT компаниясының «Қостанай-Алматы» рейсі бір сағатқа кешіктірілді.