Қолданушы баптаулары
Қолданушы баптаулары
+7 (701) 759 90 19 Лента
USD 364.95 EUR 416.99
RUB 5.55 CNY 52.58
Jańalyqtar

Көшпенділер ойынының 6-күні: Қазақстан қоржынына 20 медаль түсті

2018 жылғы 7 қыркүйек 22:35 881
Бөлісіңіз:
Көшпенділер ойынының 6-күні: Қазақстан қоржынына 20 медаль түсті

АСТАНА. ҚазАқпарат - Көшпенділер ойынының алтыншы күні қазақстандық спортшылар 20 медаль иеленді, деп хабарлайды ҚазАқпарат тілшісі ҚР Мәдениет және спорт министрлігі Спорт және дене шынықтыру комитетінің баспасөз қызметіне сілтеме жасап.

Ұқсас жаңалықтар
Илья Ильин денсаулығы туралы шындықты айтты «Жылдың үздік спортшысы» атағына кім лайық

Қазақстандық спортшылар алған 20 медальдің 5-еуі алтын, 7-еуі күміс, 8-і қола.

«Бүгін Көшпенділер ойындарында аударыспақтан ақтық сайыстар өтті. Финалға бес қазақстандық пен бес қырғызстандық балуан шыққан болатын. 60 келі салмақ дәрежесінде Азамат Серғазин, 70 келі салмақта Ерназар Байғонов, Арман Сағынбаев 80 келі, Сырым Ізбасаров 90 келі, Біржан Қосалиев +90 келіде күміс медаль иеленді», - делінген хабарламада.

Сонымен қатар, көкпардан Ұлттық құрама үшінші орын үшін болған ойында РФ Мәскеу облысынан келген команданы 17-1 есебімен жеңіп, қола медаль иегері атанды.

«Самбошы, әлем чемпионы Есет Қуанов  68 келі салмақта алтын медаль алды. 82 келі салмақта самбошы Руслан Жарқынбаев та топ жарды. Самбо күресінде Әбдухамит Әбдіразақов, Асылжан Гайсаев, Базарбай Жасұлан, Мұқатаев Батыр, Көлбай Темірлан қола медальды місе тұтты», - делінген хабарламада.

Тоғызқұмалақтан ҚР құрамасы ерлер командалары арасында алтын медальды (Елеусінов Хәкімжан, Қабиев Нұрбек) қоржынға салып отыр. Жеке есепте ерлер арасында екінші орынды Елеусінов Хәкімжан алса, Қабиев Нұрбек үшінші орынды қанағат тұтты. Сонымен қатар, командалық есепте әйелдер арасында тоғызқұмалақтан Далиева Әсел, Фоос Анастасия алтын медаль иегерлері атанды. Жеке есепте әйелдер арасында Далиева Әсел бірінші орынға табан тіресе, Фоос Анастасия күміс медальдің иегері атанып отыр.


Көшпенділер ойынының 6-күні: Қазақстан қоржынына 20 медаль түсті 
Көшпенділер ойынының 6-күні: Қазақстан қоржынына 20 медаль түсті
Көшпенділер ойынының 6-күні: Қазақстан қоржынына 20 медаль түсті 
Көшпенділер ойынының 6-күні: Қазақстан қоржынына 20 медаль түсті 
Көшпенділер ойынының 6-күні: Қазақстан қоржынына 20 медаль түсті
Көшпенділер ойынының 6-күні: Қазақстан қоржынына 20 медаль түсті 

 

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Аян Бекенұлы

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT