Қолданушы баптаулары
Қолданушы баптаулары
+7 (701) 759 90 19 Лента
USD 377.62 EUR 426.03
RUB 5.67 CNY 55.78
Jańalyqtar

Қос бірдей қазақстандық палуан әлем чемпионатының қола жүлдегері атанды

2018 жылғы 27 қазан 22:44 552
Бөлісіңіз:
Қос бірдей қазақстандық палуан әлем чемпионатының қола жүлдегері атанды

АСТАНА. ҚазАқпарат - Будапеште өтіп жатқан әлем чемпионатында қазақстандық Айдос Сұлтанғали грек-рим күресінен қола жүлдегер атанды, деп хабарлайды ҚазАқпарат тілшісі.

Айдос 60 кг салмақта қола жүлде үшін бәсекеде солтүстіккореялық палуан Се Унг Римен кілемге шықты.
Бірінші кезеңде төреші солтүстіккореялыққа бір ұпай беріп, қазақстандық грек-рим күресі шеберін партерге жатқызды. Дегенмен Айдос Сұлтанғали қарсыласының әдіс қолдануына мүмкіндік берген жоқ. Екінші кезеңде дәл осындай жағдай қайталанып, Айдостың есебіне бір ұпай жазылды.

Есеп -1:1. Күрес шарты бойынша жеңіс соңғы ұпай алған палуанға беріледі.
Жарыс барысында Айдос украиналық, жапониялық және қырғызстандық палуандарды жеңген болатын. Әсіресе, ширек финалда Азия чемпионы және биылғы Азия ойындарының жеңімпазы, жапониялық Шинобу Отаның меселін қайырды. Тек жартылай финалда ресейлік Сергей Емелиннен ұтылып қалды.

Осылайша Айдос Сұлтанғали әлем чемпионатына алғаш рет қатысып отырғанына қарамастан, қола жүлдегер атанды.
Тағы бір отандасымыз Мейіржан Шермаханбет те 67 кг салмақта қола жүлдегер атанды. Соңғы бәсекесінде ол франциялық Мамадасса Силланы бет қаратпай, 9:0 есебімен жеңді.

Қос бірдей қазақстандық палуан әлем чемпионатының қола жүлдегері атандыМейіржан чемпионат барысында әуелі түрік палуаны Атакан Юксельді ұтты. Содан кейін әлем және Олимпиада ойындарының чемпионы, атақты кубалық Исмаэль Баррероны тізе бүктірді. Азия ойындарының қола жүлдегері, ирандық Мохаммед Реза Гераиды 9:0 есебімен ойсырата ұтты. Тек жартылай финалда ресейлік Артем Суриковтан жеңіліп қалды.
Еске сала кетейік, күрес түрлерінен Будапеште өтіп жатқан әлем біріншілігінде бұған дейін Нұрислам Санаев (еркін күрес) күміс жүлдеге қол жеткізген болатын.
Ал бүгін Әбу-Дабиде «Grand Slam» турнирінде қос бірдей дзюдошымыз жүлдегер атанғанын жазған едік.

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Елжан Ералы

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Кожакелдиев Е.
Кожакелдиев Е.
954-059
MURAǴAT