Көршісінің итін атып, істі болды - Атырау

АТЫРАУ. ҚазАқпарат – Атырауда көршісінің итін атқан азамат жауапқа тартылды, деп хабарлайды ҚазАқпарат.

«Құқық бұзушы С. Жұмыскер кентінде көршісі А.-ның шарбағындағы байлаулы тұрған итін пневматикалық қарумен атқан. Сот қаулысымен азамат С. әкімшілік құқық бұзушылық жасағаны үшін кінәлі деп танылып, оған 50 500 тенге көлемінде айыппұл салынды»,-деп хабарлады Атырау қаласының мамандандырылған әкімшілік сотының баспасөз қызметінен.