Қолданушы баптаулары
Қолданушы баптаулары
+7 (701) 759 90 19 Лента
USD 378.17 EUR 429.11
RUB 5.88 CNY 56.48
Jańalyqtar

Қоршаған ортаға келтірілген залалдың өтемі ретінде төленген қаражат мақсатсыз жұмсалады

2018 жылғы 6 желтоқсан 15:59 827
Бөлісіңіз:
Қоршаған ортаға келтірілген залалдың өтемі ретінде төленген қаражат мақсатсыз жұмсалады

АСТАНА. ҚазАқпарат - Қоршаған ортаға келтірілген залалдың өтемі ретінде төленген қаражат мақсатсыз жұмсалады. Бұл туралы бүгін Қазақстан Экологиялық ұйымдары қауымдастығының басқарма төрағасының орынбасары Асхат Сүлейменов айтты, деп хабарлайды ҚазАқпарат тілшісі.

Ұқсас жаңалықтар
Алматыда Президент саябағына 100 түп бөртегүл егілді Атырау мұнай өңдеу зауыты жаңа ағын суларды тазарту құрылғысын салады

«Экологиялық төлемдерді мақсатты пайдаланылуына айрықша назар аударып отырмыз. Түрлі бағалауларға қарағанда барлық экологиялық төлемдердің көлемі жылына 70-тен 120 млрд теңгеге дейінгі соманы құрайды. Бұл ретте эмиссия мен залалға өтем ретінде бюджетке түскен қаражаттың мақсатты пайдаланылуы жоқ және көп жағдайда экологиялық мәселелерді шешуге жұмсалмайды», - деді ол «Қазақстанның озық қолжетімді технологиялар принципіне көшуі: қазіргі жағдай мен келешегі» атты халықаралық конференция барысында.

Оның айтуынша, мұндай саясат кәсіпордарды жасыл технологияларды көшуге ынталандырмайды. Себебі олар «бәрібір келеді және жазалайды» деп ойлайды.

«Кейбір өңірлерде қоршаған ортаны қорғауға арналған шаралардың шығыстары алынған төлем көлемінің 0,1, 1,8, 2,2 пайызын ғана құрайды. Бұл дұрыс емес деп есептейміз. Халықаралық тәжірибеде қоршаған ортаны ластағаны үшін түсетін қаражат оны қалпына келтіру үшін жұмсалады. Мәселен, Чех Республикасында озық қолжетімді технологияларды енгізген кәсіпорындарға мемлекет технологиялар құнының 60 пайызға дейінгі мөлшерін тең қаржыландырады», - деді.

А.Сүлейменовтің сөзіне қарағанда, жылдан жылға еліміздегі экологиялық ахуал тұрақсызданып, нашарлай түсуде. «Қазгидромет» мәліметтеріне сәйкес, 2016 жылы ауа атмосферасының ең жоғары деңгейде ластануының 2837 және күрт жоғары ластануының 550 оқиғасы тіркелген.

 

 

Біздің каналымызға жазылыңыз:

Басты сөздер: Экология, Экономика,
Бөлісіңіз:

Автор:

Марлан Жиембай

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT