+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Коронавирустың өршуі: Бельгия коменданттық сағат уақытын ұзартты

2020 жылғы 25 қазан 12:40
Бөлісіңіз:
Коронавирустың өршуі: Бельгия коменданттық сағат уақытын ұзартты

БРЮССЕЛЬ. ҚазАқпарат – Бельгияда коменданттық сағат уақыты ұзартылды, мәдени орталықтар, спорттық клубтар жабылып жатыр. Брюссель басшысы Руди Вервут коронавируспен күресті күшейту бойынша жаңа шаралар енгізілетінін жариялады, деп хабарлайды «ҚазАқпарат» ХАА тілшісі.

Биылғы 26 қазаннан бастап Бельгия астанасында коменданттық сағат кешкі 22.00-ден таңғы 06.00-ге дейін ұзартылды (бұған дейін сағат 00.00-ден таңғы 05.00-ге дейін қозғалысқа тыйым салынған еді).

Барлық дүкендерге кешкі 20:00-ге дейін жұмыс істеуге рұқсат. Супермаркеттер, сауда орталықтарына тек отбасының бір мүшесі ғана бара алады.

Брюссельдің бүкіл аймағында енді маска тағу қайта міндеттелді.

Барлық мәдени нысандар, кинотеатрлар, көрме алаңдары дүйсенбіден бастап жабық болады.

Спорттық жарыстар тоқтатылды. Дегенмен, 12 жасқа дейінгі балалар үшін спорттық секцияларға баруға рұқсат етіледі.

Қазіргі кезде Бельгия Еуропалық одақта коронавирусқа шалдығу динамикасы жағынан екінші орында тұр. Елде қауіпті вирус жұқтырудың 287700 оқиғасы тіркелген, соның ішінде 10658 адам қайтыс болған, 632 пациент терапия бөлімдерінде ем қабылдап жатыр.

Еске сала кетейік, Еуропаның бірқатар елдері COVID-19 вирусына шалдығудың жоғары деңгейіне байланысты карантин шараларын күшейтуде.


Біздің каналымызға жазылыңыз:

Бөлісіңіз:

Автор:

Зарина Туғанбаева

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT