Коронавирустың дельта штамының симптомдары өте ауыр - дәрігер

АЛМАТЫ. ҚазАқпарат - Коронавирустың дельта нұсқасының симптомдары өте ауыр. Бұл туралы Алматы қаласы №8 емханасының бас дәрігері Фарида Ағыбаева мәлім етті, деп хабарлайды ҚазАқпарат тілшісі.

«Науқастардың ыстығы көтеріледі, тамақ ауруы пайда болады және басы ауырады. Қарапайым суық тию немесе тұмауға ұқсайды. Індет жұқтырғандарда коронавирусқа тән иіс сезбеу болмайды. Бірақ ерекше белгілер бар: жүрек айну, құсу, диарея және асқазанның ауыруы, қатты әлсіздік. Аурудың ағымы коронавирус инфекциясының дельта нұсқасында жоғары жылдамдықпен сипатталады және ауыр болады – науқастарда орташа ауыр, ауыр, симптомсыз және жеңіл формалар жиі кездеседі», - дейді Фарида Ағыбаева.

Сондай-ақ, есту қабілеті бұзылады, асқазан-ішек проблемалары туындап, қан ұюы мүмкін.

Егер науқас вакцина алмаған болса, онда дельта нұсқасын жұқтырған кезде жағдайы өте ауыр болады.

№8 емхананың бас дәрігері толық иммундалған адамның дерті симптомсыз немесе әлдеқайда жеңіл өтетінін айтты.

Спикер қоғамдық денсаулық басқармасының атынан алматылықтарды вакциналануға тағы да шақырды.