+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Коронавирустың ауыр түріне шалдыққандардың есте сақтау қабілеті төмендейді - Мыңжылқы Бердіходжаев

2020 жылғы 23 қыркүйек 12:52
Бөлісіңіз:
Коронавирустың ауыр түріне шалдыққандардың есте сақтау қабілеті төмендейді - Мыңжылқы Бердіходжаев

НҰР-СҰЛТАН. ҚазАқпарат –Коронавирустың ауыр түріне шалдыққан адамдардың есте сақтау қабілеті төмендейді. Бұл туралы ҚазАқпарат тілшісіне берген сұхбатында нейрохирург Мыңжылқы Бердіходжаев мәлім етті.

Ұқсас жаңалықтар
КВИ-мен ауырған адамда өзге де вирустардың белсенділігі артқан Жанна Пірәлиева елордалықтарға: Індеттен келетін шығынды азайтуға көмектесіңіздер Елордада коронавируспен ауырып жатқанын жасыратындар көбейіп барады

«Коронавирустың ауыр түріне шалдыққан науқастарда оттегі жетіспейді. Салдарынан ол нервтік жүйелерге, оның ішінде мидың жұмысына теріс әсер етеді. Сондықтан дертті ауыр өткерген адамдардың есте сақтау жады нашарлайды. Бұл науқастардың жас ерекшелігіне қарамайды. Дегенмен, аталған патология коронавирусқа шалдыққандардың 10%-да ғана кездеседі. Сондай-ақ індет дәм, иіс сезу мүшелерінің нервтің жүйелерін зақымдайды. Одан толық сауығу үшін кемінде 2 ай, ал ең ұзақ дегенде 6 ай уақыт керек. Кейбір деректер бойынша, иіс сезу мүшесі дерттен айыққан соң да мүлде қалпына келмеуі мүмкін», - деді нейрохирург Мыңжылқы Бердіходжаев.

Сонымен қатар, нейрохирург коронавируспен ауырған адамдардың толық сауығуы үшін қолданылуы тиіс шаралар туралы айтып берді.

«Инфекцияның жеңіл түрімен ауырған азаматтардың өкпесі шамамен 6 ай көлемінде толық қалпына келеді. Ал ауыр түріне шалдыққандарды емдеуге одан да көп уақыт кетеді. Оған қоса, ем-домнан кейін олардың өкпесінде тыртық қалады. Сондықтан бұл категориядағы науқастарға ерекше күтім қажет. Себебі олардың иммунитеті нашар, тиісінше оның өзге де ауруларды жұқтыруы қауіптілігі жоғары. Мұндай адамдарға жеңіл гимнастикамен айналысқан, қосымша В1, В6, В12 және Д дәрумендерін ішкен өте тиімді. Жүгіру, секіру және т.б. ауыр жаттығулар жасаудың қажеті жоқ. Олардың өкпесі көп күш түсетін қимылдарға әлі дайын емес. Ең пайдалысы - караокемен ән айту. Бұл сәтте өкпеде вибрация болады. Ол клеткаларды тез қалыпқа келтіреді және ән айтқан адамның көңілі көтеріледі», - деп атап өтті Мыңжылқы Бердіходжаев.

Еске сала кетейік, өткен тәулікте ел бойынша коронавирус инфекциясының белгілері бар пневмонияның 364 жағдайы тіркелді.




Біздің каналымызға жазылыңыз:

Бөлісіңіз:

Автор:

Әлихан Асқар

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT