+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Коронавирусты маусымдық ішек инфекциясынан қалай ажыратуға болады – эпидемиолог

2021 жылғы 17 мамыр 18:53
Бөлісіңіз:
Коронавирусты маусымдық ішек инфекциясынан қалай ажыратуға болады – эпидемиолог

АЛМАТЫ. ҚазАқпарат - Медицина ғылымдарының докторы, эпидемиолог Сәкен Әміреев ҚазАқпарат тілшісіне коронавирусты маусымдық ішек инфекциясынан қалай ажыратуға болатынын айтып берді.

Ұқсас жаңалықтар
«Сары» аймақтағы Атырау: Стационарларда 341 науқас жатыр Батыс Қазақстанда коронавирус жұқтырғандардың 55 пайыздан астамы Орал қаласында тіркеліп отыр Ақтөбеде инфекциялық стационар саны азайды

Эпидемиологтың айтуынша, коронавирус пен ішек вирусы бастапқы кезінде ұқсас болуы мүмкін. Өйткені, олар жұғады.

«Ішек инфекциясы фекальды – оральды жолмен, яғни адамнан адамға кір қолдан немесе жуылмаған жеміс-жидек, тамақ арқылы жұғады. Ал, коронавирус инфекцияның бірнеше таралу жолы бар. Атап айтар болсам, фекальды – оральды және тыныс алу жолдары арқылы. Аурудың алғашқы күні екеуінің белгілері ұқсас болуы мүмкін. Іштің өтуі, дене қызуының көтерілуі, асқа тәбетің болмауы, құсу, бас ауру, жалпы әлсіздік. Коронавируста дәл осылай басталады «, - деп түсіндірді ол.

Ішек инфекциясына шалдыққан науқас ем қабылдағанан кейін бірнеше күнде өзін жақсы сезінеді.

«Коронавирус жұқтырған адамда жөтел, қалтырау, буын аурулары мен дәм сезбеу белгілері пайда болады. Коронавирус ас қорыту,тыныс алу жүйесіне әсер етеді «, - деп атап өтті спикер.

Сонымен қатар, ол ішек инфекциясы маусымдық ауру екенін тілге тиек етті.

«Ауру дене қызуының көтерілуінен, жүрек айнуынан, диареядан басталады және жеті күнге дейін созылады. Негізінен балалар ауырады. Бұл ауру да адам өміріне қауіп төндіреді. Вирус суда 60 тәулікке дейін тіршілік етеді. Сыртқы ортада, құмда, ашық беттерде, тұрмыстық заттарда бір ай өмір сүреді. Сондықтан ата-ана баланың жеке гигиенасын үнемі қадағалап, үйді таза ұстауы керек «, - деді Сәкен Әміреев.

Эпидемиолог Қазақстанда ішек инфекциясына қарсы екпе ұлттық вакцинация күнтізбесіне енгізілмегенін айтты.

«Көрші Өзбекстанда ішек инфекциясына қарсы вакцинация міндетті кесте бойынша жүргізілді. Осылайша, олар аурудың күрт төмендеуіне ие. Бұл вакцина біздің ұлттық вакцинация кестесінде жоқ. Бұл мәселе жақын арада шешіледі деп ойлаймын. Себебі, ішек инфекциясы әр бір екінші балада кездеседі. Әсіресе, жаз айларында. Барлық вакцина ауыр аурулардың алдын алуға бағытталған», - деп қосты ол.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT