Коронавирустан жазылғандар қалай күтінуі керек
«Ауыл» партиясының бастамасымен өткен онлайн семинарда өңірдегі дәрігерлер коронавирустан жазылғандардың енді қандай алдын алу шараларын жүргізуін сұрады.
«Коронавирус инфекциясы ең алдымен қан жүйесіне соққы береді. Сондықтан қанның қоюлығына назар аудару керек. Коронавирус инфекциясының бактериофагы ішкі органдарды, ең алдымен өкпені зақымдайды. Сондықтан ковид пневмониясы кең таралып отыр. Сонымен бірге ол бүйрек пен жүрекке де әсер етеді. Коронавирустан кейін коагулограмма мен D-димер көрсеткіштерін бақылап отыру керек. Бұл жағдайда қанның ұйып қалуының барлық параметрлерін қарастырған жөн. Осы параметрлер негізінде әрі қарай не істеу керектігін талқылаймыз», - деді Г. Иденова.
Сонымен бірге дәрігер психикалық оңалтудың да өте маңызды екенін атап өтті.
«Коронавирус адамдардың психикасына қатты әсер етті. Оның салдарынан өте қатты невроз, депрессия және шексіз апатия туындауы мүмкін. Осы мәселеге де айрықша назар аударғым келеді», - деді Гүлназия Иденова.
Айта кетейік, «Ауыл» халықтық-демократиялық патриоттық партиясы ауылдағы медициналық қызметкерлерге коронавирус инфекциясы бар науқастарды емдеу жөнінде онлайн семинар өткізді.
Онлайн семинарға 100-ге жуық ауыл дәрігерлері, фельдшерлер, түрлі санаттағы медициналық қызметкерлер Zoom платформасы арқылы қосылды.