09:20, 08 Тамыз 2022 | GMT +6
Коронавирустан емделіп жатқан 8 науқастың жағдайы өте ауыр
НҰР-СҰЛТАН. ҚазАқпарат - 8 тамыздағы мәлімет бойынша, 27 116 адам коронавирус инфекциясынан (–26 804+ және 312 КВИ-) емделіп жатыр, деп хабарлайды ҚазАқпарат.
ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясының Telegram каналындағы деректерге қарағанда, олардың ішінде 1 466 пациент стационарда, 26 650 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
35 адамның жағдайы ауыр,
8 пациенттің жағдайы өте ауыр,
4 науқас жасанды тыныс алу аппаратында жатыр.