+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Коронавируспен күресте алдыңғы шепте ақ халатты абзал жандар тұр - Амалбек Өміртай

2020 жылғы 1 сәуір 17:23
Бөлісіңіз:
Коронавируспен күресте алдыңғы шепте ақ халатты абзал жандар тұр - Амалбек Өміртай

ТҮРКІСТАН. ҚазАқпарат - Медицина қызметкерлеріне қосымша үстемақы төленуі халықтың дәрігерлерге деген сенімін арта түсіргендей. Түркістан облыстық Жастар ресурстық орталығының директоры Амалбек Өміртай Мемлекет басшысының коронавируспен күресіп жатқан медицина қызметкерлеріне көмек көрсету туралы тапсырмасына орай осындай пікір білдірді, деп хабарлайды ҚазАқпарат.

«Мемлекет басшысы Қасым-Жомарт Тоқаев төтенше жағдай режімінде тағы бір оңды шешім қабылдап отыр. Медицина қызметкерлеріне қосымша үстемақы төленуі халықтың дәрігерлерге деген сенімін арта түсіргендей. Олардың ерен еңбегі қандай үстемақыға болса да, лайық деген ойдамын.

Тек Қазақстан ғана емес, күллі әлем болып коронавирус дертімен күресіп жатыр. Алдыңғы шепте әрине, ақ халатты абзал жандардың тұрғаны анық. Олар өз үйлері мен бала-шағаларынан бұрын халықтың денсаулығы мен елдің амандығы үшін күресіп келеді. Мемлекет тарапынан еңбегі елеген медицина қызметкерлерінің халық алдында да абыройы арта түспек», - деді Амалбек Өміртай.

Ол жұртшылықты дәрігерлерге сенім білдіріп, құрмет көрсетуге шақырды.

«Қазіргі уақыт - еліміздің бірлігі мен ынтамақтастығы сыналатын кезең. Осындай үлкен сынақтан тек темірдей тәртіп пен мызғымас бірліктің арқасында өте алмақпыз. Дәрігерлер халықтың тәнін емдесе, біз ел болып оларға рухани демеу болайық. Сенім білдіріп, құрмет көрсетейік. Сақтық шараларын қатаң сақтайық, сонда бұл белесті де бағындырарымыз сөзсіз», деді ол.

Еске сала кетсек, Мемлекет басшысы Қасым-Жомарт Тоқаев коронавируспен күресіп жатқан медицина қызметкерлеріне көмек көрсету туралы тапсырма берген еді. Осыған орай Үкімет басшысы Асқар Мамин мемлекеттік комиссияның отырысын өткізіп, онда арнайы шешім қабылдады. Аталған шешімге сәйкес медицина қызметкерлері жұмысының қауіптілігіне қарай 3-топқа бөліне отырып, олардың жалақысына үстемеақы қосылады.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT