+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Коронавирусқа қарсы жыл сайын жаңа вакцина алып отыру керек – маман

2021 жылғы 10 маусым 15:05
Бөлісіңіз:
Коронавирусқа қарсы жыл сайын жаңа вакцина алып отыру керек – маман

АЛМАТЫ. ҚазАқпарат - Коронавирусқа қарсы жыл сайын жаңа вакцина алып отыру керек. Бұл туралы С.Д. Асфендияров атындағы қазақ ұлттық медициналық университетінің жұқпалы және тропикалық аурулар кафедрасының профессоры, медицина ғылымдарының докторы Равиля Егембердиева онлайн брифинг барысында айтты, деп хабарлайды ҚазАқпарат тілшісі.

Ұқсас жаңалықтар
Алматыда коронавирус жұқтырған 28 бала емделіп жатыр Ұлыбританияда барлық шектеулерді жеңілдету бір айға шегерілді «Ashyq» жобасы әуежайларда, теміржол вокзалдарында енгізіледі

Оның айтуынша, коронавирус жылдам мутацияланып жатыр. Соған байланысты жаңа екпелер жасалып отыруы керек.

«Коронавируспен ауырған адамда 2-8 айға дейін жететін антидене түзілетіні айтылып жатыр. Ал вакцина алғандарда антидене 6 айдан 1 жылға дейін жетеді. Вакцинаны салғанда адам ағзасы ол вируспен танысады және оған қарсы антидене түзіп, қорғаныш қабілеті пайда болады. Кейін вирус жұққанда ол қорғаныш жасушалары бірден оған шабуыл жасап, оған қарсы тұрады. Немесе ауыру жеңіл өтеді. Алайда коронавирус мутацияланып, жаңа штамдары пайда болып жатыр. Бұрынғы антиденелер оған қарсы тұра алмайды. Ол үшін жыл сайын жаңа штамға қарсы тұратын вакцина жасау керек», - дейді ол.

Сонымен қатар, ол вирусқа қарсы иммунитет қанша уақытқа дейін сақталатынын дөп басып айту қиын екенін жеткізді.

«Ұжымдық иммунитет қалыптасса, инфекция өздігінен жоғалады деу қате. Вирус бәрібір арамызда қалады. Тек жеңіл өтіп және өлімге әкелмеуі мүмкін. Қазір мамандардың ешқайсысы вирусқа қарсы иммунитет қанша уақытқа дейін сақталатынын дөп басып айта алмайды. Сондықтан қосымша вакцина қажет болады», - деді Равиля Егембердиева.

Спикердің пікірінше, вирустардың мутациялануы табиғи құбылыс, жер шарындағы барлық тірі ағзаның жетілуінде болатын жағдай.

«Вирустар өздігінен тіршілік ете алмайды, ары қарай өмір сүру үшін қожайынның ағзасы керек. Сондықтан олар әрдайым эволюциялық әсерге ие. Адамның иммундық жүйесі қоздырғыштарға қарсы күресте түрлі әдіске барады. Қожайын ағзасының вирустарға қарсы тұратын басты әдісі антидене түзу. Антидене адам ағзасындағы жасушаларды вирустың еніп кетпеуінен қорғайды. Олар қандай да бір вирус штамының еніп кетпеуіне қорған болады», - дейді профессор.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT