Коронавирус жұқтырған 223 адамның ахуалы нашар – министрлік

НҰР-СҰЛТАН. ҚазАқпарат - Қазіргі уақытта коронавирус инфекциясынан 13 707 адам емделіп жатыр. Бұл туралы ҚазАқпарат Денсаулық сақтау министрлігіне сілтеме жасап хабарлайды.

«Олардың арасында 967 бала бар. Стационарларда 3 492 науқас жатыр. 10 215 адам амбулаториялық жағдайда емделуде.

Жалпы науқастардың арасында 223 адамның ахуалы нашар. Соның ішінде 32 науқастың ахуалы аса қатты ауыр деп бағалануда. 30 науқас өкпені жасанды желдету аппаратында жатыр», - делінген хабарламада.