Коронавирус: Жапония вакцина алатындардың минималды жасын төмендетпек

ТОКИО. Кyodo- ҚазАқпарат – Жұма күні Жапонияның Қорғаныс министрі Нобуо Киси елде COVID-19 вирусына қарсы жаппай вакциналаудың мемлекеттік орталықтарының 16 жастағы және одан асқан адамдарға екпе салу мүмкіндігін қарастырып отырғанын мәлімдеді. Бұл туралы ҚазАқпарат Кyodo ақпарат агенттігіне сілтеме жасап хабарлайды.

Өзін-өзі қорғау күштері басқарып отырған Токио және Осакада орталықтардың көшуі коронавирустың өте жұқпалы болып табылатын Дельта штамының балалар арасында инфекция жұқтыру санының өсуіне байланысты болып отыр.

Вакциналау пунктерінде американдық Moderna Inc. Фармацевтикалық компаниясының екідозалы вакцинасы қолданылуда, оны 12 және одан асқан адамдарға салуға рұқсат етілген.

Жапонияда 16 жастан асқандарға екпе салдырту үшін ата-аналары немесе қамқоршыларының рұқсаты немесе олардың бірге еріп жүруі қажет емес.

Ел үкіметінің мәліметінше, Жапонияда 125 миллион халықтың 50 пайыздан астамы COVID-19 вирусына қарсы вакцина алған. Үкімет екпе алуға құқығы бар барлық адамдарды қараша айына қарай толық вакциналауды жоспарлап отыр.