USD 434.34 EUR 491.93
RUB 5.56 CNY 68.67
Jańalyqtar

«Коронавирус вакциналарының аса қауіпті екендігінің дәлелдері табылды» - фейк

2021 жылғы 9 желтоқсан 17:10
Бөлісіңіз:
«Коронавирус вакциналарының аса қауіпті екендігінің дәлелдері табылды» - фейк

НҰР-СҰЛТАН. ҚазАқпарат - Қазнет қолданушылары COVID-19-ға қарсы вакциналардың қауіпті екендігіне «дәлелдер» келтірілген бейнероликті талқылауда. Кадрларда АҚШ әскерінің подполковнигі Тереза Лонгтың сөз сөйлеп тұрғаны көрсетілген, онда ол «вакцинацияның жанама әсерлері бақыланбайды, дәрі-дәрмектің өзі жеткілікті зерттелмеген, ал сарбаздарды қорқыту мен бопсалау арқылы егуге мәжбүрлеген» деп мәлімдейді, деп хабарлайды ҚазАқпарат.

Ұқсас жаңалықтар
Психикасы зақымдалған адамдар арасында коронавирустан өлім 5 есе жоғары - мамандар Израиль 18 жастан асқан қауіп тобындағы адамдарға вакцинаның 4-дозасын мақұлдады Коронавирус: БҚО-да 5 мыңнан астам адам амбулаторлық ем алып жатыр

Stopfake.kz сайтының жазуынша, Тереза Лонг COVID-19 қарсы вакциналар туралы жалған хабарламаларымен танымал. Мысалы, ол желіде вирусқа айналған фейк-мәліметтің авторы. Оның айтуынша, мРНҚ препараттарында антифриз бар. Кейінірек бұл мәлімдемелер жоққа шығарылды.
«Қазіргі кезде тараған сөзінде Тереза Лонг бірнеше жаңсақ пікір келтіреді. Біріншіден, ол вакциналар тек екі ай бойы ғана сыналғанын айтады. Шын мәнінде, сынақтар төрт айға созылды және фазалар бірінің-соңынан бірі емес, қатар өткендіктен осыншама аз уақыт жұмсалды.
Ғалымдар осындай қысқа уақыттың ішінде вакцинаны қалай әзірлеп шыққаны туралы толығырақ жазған болатынбыз.

Екіншіден, Тереза Лонг вакциналардың жанама әсерлерін ешкім бақыламайды немесе тексермейді деп мәлімдейді. Бұл – жалған. Әртүрлі елдерде екпе салдарын бақылау жүйелері құрылған. АҚШ-та – VAERS жүйесі. Онда кез келген адам ақпарат қалдыра алады. Жүйеге келіп түскен барлық хабарламалар тексеріліп, тергеледі.
Үшіншіден, Лонгтың сөзінше, COVID-19-ға қарсы жаппай вакцинация Нюрнберг кодексін бұзады. Бұл – олай емес. Иммундау келісім бойынша жүзеге асырылады, бұл тәжірибе емес және зиян келтіруден гөрі аурудан қорғауға арналған. Демек, COVID-19-ға қарсы вакцинация кодексті бұзбайды. Мұны мамандар мен БАҚ та растады.

Подполковниктің төртінші тезисі АҚШ сарбаздарын вакцинацияға мәжбүрлеу туралы. Шындығында, мұны дәлелдейтін құжаттар жоқ. Бүгінгі күні әскери қызметшілер қатарында егілмеген адамдар бар. BBC мәліметтері бойынша, АҚШ-та сарбаздардың тек 88% ғана толықтай вакциналанғанДемек, Тереза Лонгтың вакциналардың зияны туралы айтқан ақпараты ішінара негізсіз және жартылай өтірік болып табылады», - делінген сайтта.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT