Коронавирус: Ұлыбританияда карантинді алу жоспары, Франциядағы элитаның жасырын кештері

None
None
НҰР-СҰЛТАН. ҚазАқпарат - Ұлыбритания үкіметі 12 сәуірден бастап елдегі карантин шектеулерін алып тастаудың келесі кезеңін растады, бірақ премьер Борис Джонсон шетелге сапарларды қайта бастау туралы егжей-тегжейлі хабарламады. Сонымен қатар Францияда карантин жағдайында элитаның жасырын отырыстары тергелуде, деп хабарлайды ҚазАқпарат BBC-ге сілтеме жасап.

Ұлыбритания премьер-министрі Борис Джонсон 12 сәуірден бастап Англияда барлық дүкеннің ашылатынын растады. Мейрамханалар, кафелер мен пабтар далада қызмет етсе ғана ашылады. Бұл шаралар тек Англияға қатысты. Шотландия, Уэльс және Солтүстік Ирландияда карантин шараларын өз үкіметтері басқарады; олардың барлығы біртіндеп шектеулерді алып тастаса да, нақты шараларды тоқтату күндері әр түрлі.

Дүйсенбіде Ұлыбританияда вакцинаның бір дозасын 31,5 миллионнан астам адам алды, бес миллионнан астам (ересек тұрғындардың 10% -дан астамы) вакцинаның екі дозасын да алды. Ұзақ локдаунға және тез иммундауға байланысты Ұлыбританияда жаңа инфекциялар саны күрт төмендеді: қаңтар айында күніне 60 мыңнан сәуір айында күніне 3 мыңға дейін.

Парижде заңсыз отырыстар тергелуде

Француз полициясы жасырын камера түсірген M6 телеарнасының репортажынан кейін элита кештеріне қатысты тергеуді бастады. «Уылдырық, шампан, ең үздік аспаздар, ал маска кию қажет емес» деген айдармен бұл материал телеарнаның әлеуметтік желілерінде пайда болды. Францияның Ішкі істер министрі Жеральд Дарманен сенбіден бастап

бүкіл елде қолданылатын шектеу шараларын бұзуға жол бермейтінін айтты. Мектептер мен көптеген дүкендер жабылды, 19:00-ден 6: 00-ге дейін коменданттық сағат. Сейсенбіден бастап үйден 10 км қашықтықта шығу тек кей жағдайда ғана мүмкін.

Еуропада тағы не болып жатыр

Германияда интенсивті терапия пациенттерінің саны 4 мыңға жетті. Бұл ақпан айының басынан бергі ең жоғары көрсеткіш.

Ал Италияда Пасха мерекесіне орай үш күндік локдаун аяқталуға жақын. Ел тұрғындарына аймақтар арасында жүруге тыйым салынды, бірақ екі қонақты мерекелік дастарханға үйге шақыруға рұқсат етілді. Қазір елде күн сайын 20 мыңға жуық жаңа жағдай орын алуда. Еуропаның көптеген елдерінде билік шектеулерді күшейтсе, Португалия мен Грекияда керісінше, дүйсенбіден бастап жеңілдейді.

Португалияда мұражайлар, спорт залдары, кафе террассалары және кейбір мектептер ашылады. Онда карантин қаңтардан бастап жаңа жағдайлардың толқынына байланысты әрекет етті, наурыз айында мектептерге кіші сыныптарға оралуға рұқсат етілді. Дүйсенбіде Грекияда жаңа жағдайлардың өсуіне байланысты жағдай алаңдаушылық тудырғанына қарамастан, кейбір дүкендерді ашуға рұқсат етілді. Сатып алушылар саны рұқсат етілгеннен аспауы үшін келетін уақытын брондауы керек.


Соңғы жаңалықтар