Коронавирус: Солтүстік Қазақстан «жасылдан» «сары» аймаққа өтті
10:05, 14 Мамыр 2021
НҰР-СҰЛТАН. ҚазАқпарат - 14 мамырдағы жағдай бойынша Қазақстан өңірлеріндегі эпидемиологиялық ахуалды бағалау матрицасы жарияланды, деп хабарлайды ҚазАқпарат.
«Қызыл» аймақта Нұр-Сұлтан, Алматы қалалары, Ақмола, Батыс Қазақстан, Қарағанды, Павлодар облыстары орналасқан.
Шымкент қаласы, Алматы, Атырау, Ақтөбе, Солтүстік Қазақстан және Шығыс Қазақстан облыстары «сары» аймақта тұр.
«Жасыл» аймақта: Жамбыл, Маңғыстау, Түркістан, Қостанай және Қызылорда облыстары.