Коронавирус: ШҚО-да науқастарға 350 дозадан астам иммундық плазма құйылды

ӨСКЕМЕН. ҚазАқпарат – Шығыс Қазақстан облысында COVID-19 инфекциясына шалдыққан 180-нен астам пациент қан плазмасымен емделді, деп хабарлайды ҚазАқпарат тілшісі.

Ұқсас жаңалықтар

Батыс Қазақстанда жұқпалы аурулар стационарында 260 адам емделуде

Қарағанды облысы Ақтау кентінің ауруханасында цифрлық рентген аппараты пайда болды Мәскеуге жеткізілген 10 миллионға жуық медициналық қолғап қолданылған болып шықты Түркістан облысының аумағында карантин мен шектеу шаралары ұзартылды

Өңірде коронавирустан жазылып шыққан адамдардың иммундық плазмасын науқастарға құю әдісі жиі қолданылуда. ШҚО Денсаулық сақтау басқармасының мәліметінше, бүгінгі таңда әртүрлі қан топтарындағы плазманың 3 123 дозасы дайындалған.

«Инфекциялық стационарлардың дәрігерлері үшін иммундық плазманы пайдалану бойынша семинарлар өткізілді. Осы уақытқа дейін 181 пациентке 352 доза плазма құйылған», - делінген хабарламада.

Иммундық плазманы дұрыс сақтау үшін Өскемен және Семей қалаларында екі қан орталығы үшін 20 мұздатқыш камера сатып алу жоспарланған. Сондай-ақ аудандық ауруханаларға қосымша 15 арнайы мұздатқыш және 19 плазмалық мұздатқыш сатып алынбақ.