Коронавирус пневмониясына 26 адам шалдықты – министрлік

НҰР-СҰЛТАН. ҚазАқпарат – Қазақстанда коронавирус инфекциясының белгілері бар пневмонияға 26 адам шалдықты, өлім-жітім болған жоқ. Бұл туралы ҚР Денсаулық сақтау министрлігінен мәлім етті, деп хабарлайды ҚазАқпарат.

4 тамыздағы жағдай бойынша, ел өңірлерінде коронавирус инфекциясынан (КВИ+) – 28 223, коронавирус пневмониясынан (КВИ-) – 274 адам, барлығы 28 497 науқас ем қабылдап жатыр. Олардың ішінде 1 477 пациент стационарда, 27 020 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

- 35 адамның жағдайы ауыр;

- 8 пациенттің жағдайы өте ауыр;

- 3 науқас өкпені жасанды желдету аппаратына қосылған.

Еске салайық, кеше Денсаулық сақтау министрлігі коронавирус инфекциясынан 2 адам қайтыс болғанын мәлім етті.