Коронавирус пен пневмонияға 53 адам шалдықты - министрлік

АСТАНА. ҚазАқпарат – Қазақстанда коронавирус инфекциясының – 52, коронавирус белгілері бар пневмонияның 1 жағдайы жаңадан тіркелді, деп хабарлайды ҚазАқпарат Денсаулық сақтау министрлігіне сілтеме жасап.

4 мамырдағы жағдай бойынша, ел өңірлерінде коронавирус инфекциясынан 1 134 адам (коронавирус –1017, пневмония – 117) емделуде. Олардың ішінде 117 пациент стационарда, 1017 науқас амбулаториялық деңгейде ем қабылдауда.

Министрлік мәліметінше, ауруханада жатқан 3 адамның жағдайы ауыр.