+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Коронавирус көбіне профилактикалық шараның сақталмауынан тарайды – дәрігер

2020 жылғы 30 қараша 19:55
Бөлісіңіз:
Коронавирус көбіне профилактикалық шараның сақталмауынан тарайды – дәрігер

АЛМАТЫ. ҚазАқпарат– Бұқаралық шаралар, әлеуметтік арақашықтықты сақтамау және бетперде кимеу ауыр зардаптарға соқтыруы әбден мүмкін. Бұл туралы С. Асфендияров атындағы ҚазҰМУ-нің жұқпалы және тропикалық аурулар кафедрасының профессоры Равиля Егембердиева онлайн-сұхбат барысында айтты, деп хабарлайды ҚазАқпарат тілшісі.

Ұқсас жаңалықтар
Павлодарда коронавирустың өршуіне карантинді елемейтін тұрғындар себеп болып отыр Коронавируспен ауырған науқасты емдеуге қанша қаражат кетеді Батыс Қазақстанда 60-қа жуық баладан коронавирус анықталды

Алматы коронавирус инфекциясының таралу қарқыны бойынша «сары» аймаққа енді. Сарапшылар инфекцияның күрт артуын карантиндік шаралардың босаңсуымен байланыстырады.

«Қыркүйек-қазан айларында коронавирустық инфекцияның қалада төмендеуі тұрғындардың босаңсуына ықпал етті. Сауда орталықтары мен саябақтардың жұмыстарын қайта жаңғыртуы дерттің күрт өсуіне әкелді. Сонымен қатар, суық түсіп, вирустың сыртқы ортада сақталуы мүмкін болды, ал бұл жағдайды күрделендіре түседі», - деді Р. Егембердиева.

Оның айтуынша, тұрғындардың басым бөлігі әлі күнге дейін коронавирустың бар екеніне сенбейді, соның салдарынан профилактикалық шараларды елемейді. Кейбіреулер тіпті дәрігерлер сандар мен деректерді асырып көрсетеді деген сенімде.

«Бірақ, өкінішке орай, коронавирустық инфекция бар және оның зардабы өте ауыр. Сонымен қатар, бұл дертті жұқтырған кез келген адамда ауру асқынуы мүмкін. Ахуалдың күрделі екенін түсінгенде ғана адамдардың әлеуметтік жауапкершілігі артатын болады», - деп есептейді спикер.

Сонымен қатар, ол профилактикалық шараларды қатаң сақтау коронавирусқа қатысты ұсыныстардың ең маңыздысы екенін атап өтті. Олар: бетперде тағу, қолғап кию, дезинфекция құралдарын қолдану. Жабық кеңістікте әлеуметтік қауіпсіз арақашықтықты сақтау, адамдар көп жиналатын орындардан аулақ болу.


Біздің каналымызға жазылыңыз:

Бөлісіңіз:

Автор:

Алма Мұқанова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT