22:10, 02 Ақпан 2020 | GMT +6
Коронавирус: Қазақстан Уханнан 18 қырғызстандық студентті эвакуациялады
БІШКЕК. КАБАР – ҚазАқпарат - Қырғызстанға Кытайдың Ухан қаласынан 18 студент жеткізілді. Бұл туралы Қырғызстанның Денсаулық сақтау министрлігі хабарлады.
Министрлік таратқан мәліметтер бойынша, бүгін 2 ақпан күні арнайы бортпен Нұр-Сұлтан қаласы арқылы 18 қырғыз студенті Бішкекке жеткізілді.
«Олар әуежайда тиісті тексеруден өткізіліп, Бішкек қаласының маңындағы ауруханаға жатқызылды»,-деп хабарлады министрлік өкілдері.
Карантин кезінде Уханнан жеткізілген азаматтармен әзірге медицина мамандары ғана байланыста.
«Қосымша мәліметтер үшін Қырғызстаның Денсаулық сақтау министрлігінің шұғыл штабынан білуге болады. 01312 66-06-63»,-делінген хабарламада.