Коронавирус: Қазақстан Республикасы «сары» аймаққа ауысты

НҰР-СҰЛТАН. ҚазАқпарат – Денсаулық сақтау министрлігі 1 ақпандағы эпидемиологиялық ахуалды бағалау матрицасын жариялады, деп хабарлайды ҚазАқпарат тілшісі.

Қазақстанның 4 облысы «қызыл» аймақта тұр. Олар: Ақмола, Павлодар, Солтүстік Қазақстан және Батыс Қазақстан облыстары. Қостанай облысы «қызыл» аймақтан «сары» аймаққа ауысты.

Сонымен бірге, Атырау, Қарағанды, Шығыс Қазақстан облыстары мен Нұр-Сұлтан қаласы «сары» аймақта.

Қалған өңірлер мен қалалар – «жасыл» аймақта.

Жалпы Қазақстан «сары» аймақта тұр.

Еске салсақ, 31 қаңтардағы көрсеткіш бойынша ҚР қызыл аймақта тұрған болатын.