+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Коронавирус: Израильде карантин, ЕО елдеріндегі жаңа шектеулер пайда болды

2020 жылғы 19 қыркүйек 11:55
Бөлісіңіз:
Коронавирус: Израильде карантин, ЕО елдеріндегі жаңа шектеулер пайда болды

МАДРИД. ҚазАқпарат – Еуропа елдерінде коронавирус жұқтырғандар саны күн санап артып жатыр. Үкімет инфекцияның таралуымен күрес шараларын күшейтіп жатыр, деп хабарлайды ҚазАқпарат euronews агенттігіне сілтеме жасап.

Ұқсас жаңалықтар
Жамбылдағы шалғай ауылдарға «Таза жүрек» денсаулық керуені аттанды Тараздық дәрігерлер эндопротез қоюдың жаңа түрін ойлап тапты Нұр-Сұлтанда 18 оқушы коронавируспен ауырды – Білім басқармасы

Пандемия кезінде 640 мың адам инфекцияға шалдыққан Испанияда COVID-19-дың жаңа таралу аймақтары тіркеліп жатыр. Мадрид автономды қоғамының билігі 37 аймақта адамдардың жүріп-тұруына шектеу қойды. Бұл ауданның 13% тұрғынын қамтиды.

«Көрсетілген аймақ тұрғындарына аса қажеттілік болмаса ауданнан кетуге тыйым салынады. Адамдарға медициналық кеңес алу, жұмыс немесе оқуға қатысты келісімшарт міндеттемелері, қарт туыстарына қамқорлық көрсету үшін ғана үйден шығуға рұқсат етілген. Аудандардың ішінде жүріп-тұруға болады, бірақ алты адамнан артық топтаспау керек. Саябақ пен бақтардың жұмысы уақытша тоқтатылады», - деп хабарлады Мадрид автономды қоғамы үкіметінің басшысы Исабель Диас Аюсо.

Францияда бір тәулікте коронавирус жұқтырғандар саны 13 215-ке жетті, бұл карантин алынғаннан кейінгі рекордтық көрсеткіш. Кейінгі 24 сағатта COVID-19-дан 123 науқас қайтыс болды. Қазір негізінен вирус жұқтыратын – жастар. 75 жастан асқан инфекцияға шалдыққан адамдардың да саны артып жатыр.

Португалия премьері Антониу Коштаның айтуынша, елде науқастар саны артып келеді. Кабинет басшысы егер осы үрдіс сақталса, келесі аптада елде күніне мың жаңа жұқтыру оқиғаларына дейін тіркелуі мүмкін екенін айтты. Кошта отандастарын санитария ережелерін сақтауға шақырды.

Израильде Рош ха-Шанаға (еврей Жаңа жылы) бірнеше сағат қалғанда кейінгі айлардағы екінші қатаң карантин енгізілді. Ол үш аптаға созылады. Жергілікті БАҚ-тың хабарлауынша, Израиль жаңа коронавирус пандемиясы кезінде карантинді қайта енгізіп отырған алғашқы ел.


Біздің каналымызға жазылыңыз:

Бөлісіңіз:

Автор:

Балнұр Қожагелді

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT