Коронавирус: Франция мен Нидерландыға вакцинаның алғашқы партиясы жетті

ПАРИЖ. ҚазАқпарат – «Pfizer» америкалық фармацевтика компаниясы және «BioNTech» немістің серіктес компаниясы бірлесіп әзірлеген коронавирусқа қарсы вакцинаның алғашқы дозалары сенбі күні Франция мен Нидерландыға жеткізілді, деп хабарлайды «ҚазАқпарат» ХАА меншікті тілшісі.

Франциялық БАҚ-тардың хабарлауынша, вакциналар Париж қаласына жақын орналасқан Hôpitaux de Paris орталық дәріханасына берілді. Францияда егу науқаны жексенбі күні басталмақ. Бұл елде коронавирустан 62 мың адам қайтыс болды. Препаратты алғашқы болып Севран және Дижонда орналасқан екі Қарттар үйінің тұрғындары алады.

Сондай-ақ 26 желтоқсан күні коронавирусқа қарсы вакцинаның алғашқы дозалары Нидерландыға жетті.